ద్రాక్షలో యాంటీఆక్సిడెంట్లు పుష్కలంగా ఉంటాయి. ఇది క్యాన్సర్‌ను నివారించడంలో సహాయపడుతుంది. న‌ల్ల ద్రాక్ష‌ల్లో ఫ్లేవ‌నాయిడ్స్‌, రెస్వెరెట్రాల్ అనే స‌మ్మేళ‌నాలు అధికంగా ఉంటాయి. ఇవి యాంటీ క్యాన్సర్ గుణాల‌ను క‌లిగి ఉంటాయి. అందువ‌ల్ల న‌ల్ల ద్రాక్ష‌ల‌ను రోజూ తింటుంటే క్యాన్సర్ రాకుండా అడ్డుకోవ‌చ్చునని ఆరోగ్య నిపుణులు చెబుతున్నారు. న‌ల్ల ద్రాక్ష‌ల‌ను తినడం వల్ల ఆక్సీక‌ర‌ణ ఒత్తిడి తగ్గుతుంది. ఇది క్యాన్సర్ వచ్చే అవ‌కాశాల‌ను తగ్గిస్తుంది. న‌ల్ల ద్రాక్ష‌ల్లో ఉండే యాంటీ ఆక్సిడెంట్లు ఫ్రీ ర్యాడిక‌ల్స్‌ను నిర్మూలిస్తాయి. దీంతో ఆక్సీక‌ర‌ణ ఒత్తిడి త‌గ్గి క్యాన్సర్ రాకుండా ఉంటుంది.
యాపిల్‌లో విటమిన్లు, యాంటీఆక్సిడెంట్లు పుష్కలంగా ఉంటాయి. ఇవి క్యాన్సర్ ప్రమాదాన్ని తగ్గించడంలో కీలక పాత్ర పోషిస్తాయి. యాపిల్‌లో ఉండే యాంటీ ఆక్సిడెంట్లు కొన్ని రకాల క్యాన్సర్ల నుంచి రక్షణ కల్పిస్తాయి. ముఖ్యంగా కోలన్ క్యాన్సర్ ప్రమాదాన్ని తగ్గిస్తాయి. అంతేకాదు..యాపిల్‌ లో విటమిన్లు, ఖనిజాలు, ఫైబర్ పుష్కలంగా ఉంటాయి. దీని నేరుగా తినడమే కాకుండా జ్యూస్, జామ్, పైస్, కేక్‌లు తయారు చేసుకోవచ్చు.
బొప్పాయిలో విటమిన్లు A, B, C పుష్కలంగా ఉన్నాయి. ఇది క్యాన్సర్ ప్రమాదాన్ని తగ్గించడంలో ఎంతగానో సహాయపడుతుంది. బొప్పాయిలోని యాంటీ ఆక్సిడెంట్స్, లైకోపీన్ అనే పదార్థాలు బాడీలో క్యాన్సర్ కారకాలు పెరగకుండా చేస్తాయి. దీనిని తినడం వల్ల ఆక్సిడేటివ్‌ని స్ట్రెస్‌ని తగ్గిస్తుంది. క్యాన్సర్ వచ్చే రిస్క్‌ని తగ్గిస్తుంది. ఇది మహిళల ఆరోగ్యానికి చాలా మంచిది. ఇందులోని కెరోటీన్ యూటెరెస్‌ని స్టిమ్యులేట్ చేసి మెనుస్ట్రువల్ సైకిల్‌ని రెగ్యులేట్ చేస్తుంది. దీనిని రెగ్యులర్‌గా తినడం వల్ల పీరియడ్స్ క్రాంప్స్‌ని తగ్గిస్తుంది.
స్ట్రాబెర్రీ, రాస్ప్బెర్రీ, బ్లూబెర్రీ, బ్లాక్‌బెర్రీ వంటి బెర్రీలు కూడా క్యాన్సర్‌ను నివారించడంలో సహాయపడతాయి. ఇందులోని యాంటీ ఆక్సిడెంట్స్ శరీరంలోని ఫ్రీ రాడికల్స్ ను ఎదురిస్తాయి. ఈ బెర్రీ ఫ్రూట్స్‌లో పోషకాలు పుష్కలంగా లభిస్తాయి. ఫైబర్, విటమిన్ సి, మ్యాంగనీజ్ సమృద్ధిగా ఉండి, యాంటీ ఆక్సిడెంట్స్ కూడా అధికంగా ఉంటాయి. వీటిలో కాన్సర్ ఫైటింగ్ ప్రాపర్టీస్ ఉన్నాయి. ఈ విషయాన్ని అనేక స్టడీస్ వెల్లడించాయి.
ఈ పండులో విటమిన్ సి, యాంటీఆక్సిడెంట్లు పుష్కలంగా ఉండటం వల్ల, దీన్ని తినడం ద్వారా క్యాన్సర్ ప్రమాదాన్ని తగ్గించుకోవచ్చు. ప్యాషన్‌ ఫ్రూట్‌లో యాంటీక్యాన్సర్‌ గుణాలు ఉన్నాయి. ఈ పండు తరచుగా తీసుకుంటే.. గ్రాస్ట్రిక్‌ క్యాన్సర్ వచ్చే ప్రమాదం తగ్గుతుంది. దీనిలో విటమిన్ ఏ, సీ యాంటీఆక్సిడెంట్ ప్రభావాన్ని ప్రదర్శించి ఫ్రీ రాడికల్స్‌ను తటస్థీకరించి క్యాన్సర్‌కు వ్యతిరేకంగా రక్షణను అందిస్తుంది.
