ప్రస్తుత కాలంలో మనిషి శారీరక శ్రమకు దూరం అవుతున్నారు. అందివచ్చిన టెక్నాలజీని ఆసరాగా చేసుకుని బద్దకానికి బానిసలుగా మారుతున్నారు. గంటల తరబడి కంప్యూటర్లు, ల్యాప్‌ట్యాప్‌లతో కుస్తీ పడుతూ అనేక రకాల రోగాలను కొని తెచ్చుకుంటున్నారు. అందుకే ప్రతి రోజు కొంతసమయం పాటు ఎక్సర్‌ సైజులు, వాకింగ్, రన్నింగ్, యోగా వంటివి అలవాటు చేసుకోవటం మంచిదని నిపుణులు చెబుతున్నారు. అయితే, వాకింగ్ చేయడానికి సరైన సమయం అవసరం. కానీ, బిజీగా ఉండేవారికి మెట్లు ఎక్కడం మంచి ఆప్షన్ అంటున్నారు నిపుణులు. దీనివల్ల రన్నింగ్, వాకింగ్ కంటే ఎక్కువ కేలరీలు ఖర్చవుతాయని చెబుతున్నారు. దీంతో ఆరోగ్యంగా ఉంటారు.
మెట్లు ఎక్కడం వల్ల అధిక బరువు సమస్యను తగ్గించడంలో చాలా ప్రభావవంతంగా పనిచేస్తుందని నిపుణులు చెబుతున్నారను. మెట్లు ఎక్కడం వల్ల ఒంట్లో పేరుకుపోయిన కొవ్వు కరిగిపోతుంది. ప్రతీరోజు 6 నిమిషాల పాటు మెట్లు ఎక్కితే శరీరంలోని కొవ్వు15శాతం వరకు తగ్గిపోతుందట. బరువు తగ్గాలనుకునే వారికి ఇది మంచి ఆప్షన్ గా చెబుతున్నారు. అంతేకాదు.. మెట్లు ఎక్కడం ద్వారా లోయర్ బాడీ కండరాలు బలంగా, ఫిట్‌గా తయారవుతాయి. దీనివల్ల మజిల్స్ టోనింగ్ బాగా జరుగుతుంది. ఫిట్‌గా కనిపిస్తారని అంటున్నారు.
బరువు తగ్గాలనుకునేవారు మెట్లు ఎక్కడం మంచి అలవాటు. రోజూ మూడు ఫ్లోర్లు మెట్లు ఎక్కడం ద్వారా కేలరీలు ఎక్కువగా ఖర్చవుతాయి. దీంతో బరువు అదుపులో ఉంటుంది. మెట్లు ఎక్కడం ద్వారా గుండె కొట్టుకునే వేగం పెరుగుతుంది. తద్వారా హృదయానికి రక్త ప్రసరణ మెరుగ్గా జరుగుతుంది. దీంతో హృదయ సంబంధ సమస్యలు రాకుండా ఉంటాయి. మెట్లు ఎక్కడం ద్వారా శ్వాస ఎక్కువగా తీసుకుంటారు. దీంతో ఊపిరితిత్తులు గాలి తీసుకునే సామర్థ్యం పెరుగుతుంది. శ్వాస సమస్యలు రాకుండా ఉంటాయి.
ఇవి కూడా చదవండి
లేదుమెట్లు ఎక్కడానికి పెద్దగా ఖర్చు అవసరం లేదు. ప్రతి ఒక్కరికీ అందుబాటులో ఉండే వ్యాయామం ఇది. రోజూ కనీసం మూడు ఫ్లోర్లు ఎక్కడం ద్వారా మంచి వ్యాయామం అవుతుంది. అధిక రక్తపోటుతో బాధపడేవారు రోజూ కాసేపు మెట్లు ఎక్కడం మంచిది. దీనివల్ల గుండెకు రక్త ప్రసరణ బాగా జరిగి రక్తపోటు అదుపులో ఉంటుంది. రక్తంలో షుగర్ లెవెల్స్ పెరగకుండా ఉండాలంటే వ్యాయామం తప్పనిసరి. మెట్లు ఎక్కడం వల్ల షుగర్ అదుపులో ఉంటుంది. ఆరోగ్యంగా ఉంటారు. టైప్ 2 డయాబెటిస్ రిస్క్ తగ్గుతుంది. ఎముకల బలంరోజూ కాసేపు మెట్లు ఎక్కితే ఎముకలు బలంగా మారతాయి. ఆస్టియోపోరోసిస్ వంటి ఎముక సంబంధ సమస్యలు రాకుండా కాపాడుకోవచ్చు.
(NOTE: ఇందులోని అంశాలు కేవలం అవగాహన కోసం మాత్రమే. నిపుణులు అందించిన సమాచారం ప్రకారం ఇక్కడ తెలియజేయడమైనది. ఆరోగ్యరీత్యా ఎలాంటి సమస్యలు ఉన్నానేరుగా వైద్య నిపుణులను సంప్రదించడం మంచిది)
మరిన్ని లైఫ్ స్టైల్ న్యూస్ కోసం క్లిక్ చేయండి..
