జ్యోతిష్య నిపుణులు దుష్టశక్తుల ప్రభావం నుంచి తప్పించుకోవడానికి ప్రతి రాశివారు చేయాల్సిన పనులను వివరించారు. ఈ సూచనలు పాటించడం ద్వారా దిష్టి దోషం లాంటి వాటి నుంచి విముక్తి పొందవచ్చని అంటున్నారు. మరి ఏ రాశి వారు ఎలాంటి పరిహారం చేయాలి.. అందుకు జ్యోతిష్య నిపుణులు చెప్తున్న సూచనలేంటో తెలుసుకుందాం..
మేషం: ఐదు ఎండుమిర్చి తీసుకోండి. వాటిని తల చుట్టూ ఏడుసార్లు తిప్పి కర్పూరంతో కాల్చండి.
వృషభం: ఐదు లవంగాలు తీసుకుని, వాటిని తల చుట్టూ ఏడుసార్లు తిప్పిన తర్వాత ఇంటి బయట పడేయండి.
మిథునం: వేప ఆకులు తీసుకుని, వాటిని తల చుట్టూ ఏడుసార్లు తిప్పి, మట్టి కుండలో కర్పూరంతో పాటు కాల్చండి.
కర్కాటకం: చంద్రుడి ప్రభావంలో ఉండే కర్కాటక రాశివారికి దిష్టి త్వరగా తగులుతుంది. కాబట్టి ఇంటి నుంచి బయటకు వెళ్లే ముందు ప్రతిరోజూ ఉప్పు నీటితో స్నానం చేయాలి.
సింహం: రెండు లవంగాలు, రెండు ఎండుమిర్చి తీసుకోండి. వాటిని తల చుట్టూ అపసవ్య దిశలో ఏడుసార్లు తిప్పి, కర్పూరంతో కాల్చండి.
కన్య: మంగళవారం హనుమాన్ ఆలయాన్ని సందర్శించడం ద్వారా దుష్టశక్తుల ప్రభావం నుంచి విముక్తి పొందవచ్చు.
తుల: తుల రాశి వారికి బలమైన ఆరా(aura) ఉన్నా, వారు దుష్టశక్తుల నుంచి రక్షించే బ్రాస్‌లెట్ ధరించవచ్చు. పౌర్ణమి, ప్రదోష దినం లాంటి ప్రత్యేక సందర్భాలలో దాన్ని శుభ్రం చేసుకోవాలి.
వృశ్చికం: కొబ్బరికాయను నీటితో నింపి, దాన్ని తల చుట్టూ ఏడుసార్లు తిప్పి, ప్రవహించే నీటిలో పడేయండి.
ధనుస్సు, మీనం: ఈ రెండు రాశులను గురు గ్రహం పాలిస్తుంది. కాబట్టి నెలకోసారి గంగా నదిలో పుణ్యస్నానం చేయాలి.
మకరం: ఎడమ కాలికి నల్ల దారం కట్టుకోవాలి.
కుంభం: ప్రతిరోజూ నిమ్మకాయను తమ పర్సులో లేదా జేబులో ఉంచుకోండి. సాయంత్రం దాన్ని బయట పడేయండి. ఈ పనిని ప్రతిరోజూ లేదా ప్రత్యేక సందర్భాలలో చేయవచ్చు.
గమనిక: పైన అందించిన సమాచారం జ్యోతిష్యశాస్త్ర ఆధారితమైనది. దీనిని వ్యక్తిగత నమ్మకాలు, విశ్వాసాల మేరకే పరిగణించాలి. ఏదైనా తీవ్రమైన సమస్యలు, ఆరోగ్యపరమైన విషయాలకు నిపుణులను సంప్రదించడం ఉత్తమం.
