AP Govt Funds Release to Farmers: ముఖ్యమంత్రి నారా చంద్రబాబు నాయుడు అధ్యక్షతన జరిగిన ఏపీ కేబినెట్ భేటీలో కీలక నిర్ణయం తీసుకున్నారు. సచివాలయంలో జరిగిన ఆంధ్రప్రదేశ్ మంత్రివర్గ సమావేశంలో పలు అంశాలపై కేబినెట్ చర్చించింది. ఈ క్రమంలోనే రైతులకు ఏపీ కేబినెట్ గుడ్ న్యూస్ వినిపించింది. రైతుల నుంచి కొనుగోలు చేసిన ధాన్యం బకాయిల డబ్బులు విడుదల చేయాలని ఆంధ్రప్రదేశ్ మంత్రివర్గ సమావేశంలో నిర్ణయించారు. ధాన్యం పాత బకాయిలు రూ. వేయికోట్లు ఉండగా.. అందులో రూ. 672 కోట్ల నిధులు 24 గంటల్లో రైతుల ఖాతాల్లో జమ చేయాలని ఏపీ కేబినెట్ నిర్ణయించింది.
ప్రజా పంపిణీ కోసం ప్రభుత్వం గత రబీ సీజన్‌లో పౌరసరఫరాల సంస్థ ద్వారా రైతుల నుంచి ధాన్యం కొనుగోలు చేసింది. అయితే, మద్దతు ధరను రైతుల బ్యాంకు ఖాతాల్లో జమ చేయడంలో ఆలస్యం జరిగింది. దీంతో రైతుల నుంచి ఆందోళన వ్యక్తమైంది. ఈ నేపథ్యంలో రైతుల సమస్యను పరిష్కరించడానికి, జాతీయ సహకార అభివృద్ధి సంస్థ (NCDC) నుంచి ఏపీ మార్క్‌ఫెడ్ ద్వారా రూ.1,000 కోట్లు రుణం తీసుకోవడానికి ప్రభుత్వం జూలై 4న అనుమతి ఇచ్చింది. ఈ రుణం రాగానే, ధాన్యం బకాయి డబ్బులను రైతుల బ్యాంక్ ఖాతాల్లో జమ చేయడానికి అధికారులు చర్యలు తీసుకుంటున్నారు. ఈ వారంలోనే రైతుల ఖాతాల్లో డబ్బులు జమ అవుతాయని తెలుస్తోంది.
మరోవైపు మంత్రి నాదెండ్ల మనోహర్ ఈ విషయంపై స్పందిస్తూ, “రైతులకు ధాన్యం కొనుగోళ్ల బకాయిలు రూ.672 కోట్లు విడుదలకు మంత్రివర్గంలో నిర్ణయం తీసుకున్నట్లు” తెలిపారు. ఈ నిర్ణయం ద్వారా దాదాపు 32 వేల మంది రైతులకు లబ్ధి చేకూరుతుందని ఆయన అన్నారు. “24 గంటల్లో రైతుల ఖాతాల్లో పెండింగ్ బకాయిలు జమ చేయాలని అధికారులను ఆదేశించినట్లు వివరించారు. ఈ నిర్ణయం రైతులకి ఎంతో ఊరటనిస్తుంది. త్వరలోనే వారి ఖాతాల్లో డబ్బులు జమ కానున్నాయి.
మరోవైపు ఏపీ కేబినేెట్ సమావేశంలో సీఎం నారా చంద్రబాబు నాయుడు వైసీపీ తీవ్ర వ్యాఖ్యలు చేశారు. పెట్టుబుడులు రాకుండా అడ్డుకునేందుకు కుట్రలు చేస్తున్నారని.. కంపెనీలకు మెయిళ్లు పెట్టారంటూ చంద్రబాబు సంచలన వ్యాఖ్యలు చేశారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
