Ap Students Parents Teachers Meet Guinness Record,ఏపీ వేదికగా గిన్నీస్ బుక్ రికార్డ్.. ఏకంగా 2.28 కోట్ల మందితో, పూర్తి వివరాలివే – andhra government aims for guinness record with parent teacher mega meeting

గతేడాది తొలిసారిగా నిర్వహించిన మెగా పీటీఎం విజయవంతం అయ్యింది.. దీంతో ఈ ఏడాది పటీఎం నిర్వహించేందుకు సిద్ధమయ్యారు. ఇకపై ప్రతి ఏటా పండుగ వాతావరణంలో మెగా పీటీఎంలు నిర్వహించాలని నిర్ణయించింది ప్రభుత్వం. పిల్లలకు సంబందించి ప్రోగ్రెస్‌ కార్డుల్ని కూడా తల్లిదండ్రులకు అందజేస్తారు. అలాగే ప్రధానంగా తల్లిదండ్రులు తమ అభిప్రాయాలు, సూచనలను ప్రభుత్వం స్వీకరించనుంది.

ఈ కార్యక్రమం ఉదయం 9 గంటలకు ప్రారంభంకానుంది. ‘విద్యార్థుల సంక్షేమం, అభ్యసనా సామర్థ్యాల పెంపు, ప్రభుత్వం అందిస్తున్న ప్రయోజనాలు, పొందుతున్న లబ్ధి తదితర అంశాలపై సమీక్ష.మాదక ద్రవ్యాల వినియోగం, సైబర్‌ క్రైం, సోషల్‌ మీడియా అంశాలపై అవగాహన కల్పించడం. ఆటల పోటీలు, ప్రజాప్రతినిధులు, పూర్వ విద్యార్థులు, దాతలు, తల్లిదండ్రుల ఆధ్వర్యంలో సమావేశం. అమ్మపేరుపై మొక్కనాటడం (4నుంచి టెన్త్‌ చదివే విద్యార్థుల తల్లిదండ్రులు పాఠశాల ప్రాంగణంలో మొక్కలు నాటడం) వంటి కార్యక్రమాలు నిర్వహిస్తారు’ అని తెలిపారు.

‘గన్నవరం విమానాశ్రయం నుంచి ముఖ్యమంత్రి చంద్రబాబు ప్రత్యేక విమానంలో ఉదయం పుట్టపర్తి ఎయిర్‌పోర్టుకు చేరుకుంటారు. రోడ్డు మార్గాన కొత్తచెరువులోని ప్రభుత్వ జూనియర్‌ కళాశాలలో విద్యార్థులు, తల్లిదండ్రులతో ముఖాముఖి నిర్వహిస్తారు. అక్కడినుంచి పక్కనే ఉన్న జడ్పీ హైస్కూల్‌కు వెళ్తారు. అక్కడ మెగా పీటీఎం అనంతరం చంద్రబాబు పుట్టపర్తి చేరుకుని సత్యసాయి మహాసమాధిని దర్శించుకుంటారు. అక్కడి నుంచి విమానాశ్రయం చేరుకుని విజయవాడకు బయలుదేరి వెళ్తారు’అని సీఎం షెడ్యూల్ ప్రకటించారు.