విజయవాడలో ఒక కుక్క కారణంగా రెండు వర్గాల మధ్య గొడవ జరిగింది. ఒక యువకుడు తన పెంపుడు కుక్కను జాగింగ్‌కు తీసుకురాగా, అది కాలేజీకి వెళ్లే యువతిపై మొరిగింది. కుక్కను నియంత్రించకపోవడంతో యువతి, ఆమె తాత ఆగ్రహించి గొడవకు దిగారు. ఈ సంఘటన స్థానికంగా చర్చనీయాంశమైంది, అయితే ఇంత చిన్న విషయానికే ఇంత గొడవ పడతారా అని కొందరు ఆశ్చర్యం వ్యక్తం చేస్తున్నారు.
విజయవాడ పటమట ప్రాంతంలో ఉండే ఓ కుటుంబం ఓ పెంపుడు కుక్కను పెంచుకుంది. ఎంతలా అంటే తమ కుటుంబంలో సభ్యుడిగా చేసుకుంది. అయితే ఆ కుక్క కారణంగానే తమకు ఇబ్బందులు వస్తాయని ఊహించలేకపోయింది. అదే ప్రాంతంలో మరో ఫ్యామిలీ ఉంటోంది. ఆ ఫ్యామిలీలో కాలేజీకి వెళ్లే యువతి ఉంది. ఆ యువతిని కాలేజీ బస్సు ఎక్కించేందుకు ఆ ఇంట్లోని పెద్దాయన రోజూ బస్‍‌స్టాప్ వరకూ వస్తుంటారు. శనివారం కూడా అలాగే జరిగింది. మనవరాలిని కాలేజీ బస్సు ఎక్కించేందుకు ఆ పెద్దాయన, మనవరాలితో కలిసి బస్టాండ్ వద్దకు వచ్చారు. అయితే ఇదే సమయంలో మన కథలోని కుక్కను వెంటబెట్టుకుని ఓ యువకుడు జాగింగ్ చేస్తూ అక్కడకు వచ్చాడు.
అయితే అప్పుడే అనుకోని ఘటన జరిగింది. కుక్క తన సహజస్వభావాన్ని బయటపెట్టుకుంది. అందరి మీదకు మొరుగుతూ వెళ్లినట్లుగానే.. ఆ కుక్క యువతిపైకి కూడా మొరుగుతూ వెళ్లింది. అయితే కుక్కను జాగింగ్ కోసం తీసుకువచ్చిన యువకుడు.. దానిని నియంత్రించకుండా నవ్వుతూ ఉండిపోయాడు. దీంతో ఆ యువతి, ఆమె తాతకు ఒళ్లుమండిపోయింది. యువకుడితో గొడవకు దిగారు. ఈ గొడవ కాస్తా చిలికి చిలికి గాలివానగా మారినట్లు.. రెండు వర్గాల మధ్య వివాదానికి దారి తీసింది. అయితే ఈ విషయం తెలిసిన స్థానికులు ఆశ్చర్యపోతున్నారు. దేశం మీద ఇన్ని సమస్యలు ఉంటే.. ఇంత చిన్న విషయానికి గొడవపడాలా అని నోరెళ్లబెడుతున్నారు. ఓ కుక్క కారణంగా రెండు వర్గాల గొడవపడ్డాయని తెలిసి ఆశ్చర్యపోతున్నారు.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
