పామును రెచ్చగొట్టడం ఎంత ప్రమాదకరమో సోషల్‌ మీడియాలో వైరల్‌ అవుతున్న ఈ వీడియో చూస్తే తెలుస్తోంది. ఒక వ్యక్తి నాగుపాము ముందు నిర్లక్ష్యంగా ‘నాగిన్ డ్యాన్స్‌ చేస్తూ నానా హంగామా చేశాడు. దాన్ని చేతుల్లోకి తీసుకొని మెడకు చుట్టుకొని దాన్ని ఇబ్బందులకు గురిచేశాడు. దీంతో తిరగబడిన పాము అతనిపై దాడి చేయడంతో మనోడి తిక్క కుదిరింది. అప్పటివరకు జోన్‌గా ఉన్న సీన్‌కాస్తా సీరియస్‌గా మారింది. వైరల్‌ వీడియో ప్రకారం.. ఒక వ్యక్తి సన్‌గ్లాసెస్‌ ధరించి నాగుపాము ముందు ఫన్నీగా నాగినీ డ్యాన్స్‌ చేస్తూ కనిపించాడు. దాన్ని చేతిలో పట్టుకొని కింద పడేసి, మళ్లీ పట్టుకొని మెడలో వేసుకొని నానా హంగామా సృష్టించాడు. అయితే ఇలా చేస్తున్న సమయంలో పాము ఒక్కసారిగా అతన్ని కాటు వేసినట్టు తెలుస్తోంది. అయినప్పటికీ, ఆ యువకుడు ఏమీ జరగనట్లుగా దానితో ఆడుకుంటూనే ఉన్నాడు
అయితే ఈ సంఘటన జరిగిన తర్వాత సదరు యువకుడికి సంబంధించి ఒక వీడియో బయటకు వచ్చింది. పాము కాటు వేయడంతో అతడి చేతికి తీవ్ర గాయం అయినట్టు తెలుస్తోంది. ఈ షాకింగ్ వీడియోను @gharkekalesh అనే యూజర్ తన X హ్యాండిల్ పోస్ట్ చేశాడు. ఆ పోస్ట్ కింద ‘పాముతో ఆటలొద్దు అని క్యాప్షన్ రాసుకొచ్చాడు. అయితే ఈ వీడియో కొన్ని గంటల్లోనే సోషల్‌ మీడియాలో వైరల్‌గా మారింది. ఈ వీడియో చూసిన నెటిజన్స్‌ తమదైన రీతిలో కామెంట్స్‌ చేస్తున్నారు. ఒక యూజర్ ఇలా రాసుకొచ్చాడు. పాములు ఎప్పుడూ మీకు అన్నదమ్ములు కావు… జీవిత విలువను అర్థం చేసుకోండి, ఇలా ప్రమాదాలతో ఆడుకోకండి అన్నాడు.
వీడియో చూడండి..
⚠️: Don’t play with snakes https://t.co/s9AjmmaM22
— Ghar Ke Kalesh (@gharkekalesh) July 31, 2025
మరిన్ని ట్రెండింగ్ వార్తల కోసం ఇక్కడ క్లిక్ చేయండి.
