Andhra Pradesh Rains,ఏపీలో మరోసారి భారీ వర్షాలు.. ఈ జిల్లాలను హెచ్చరించిన వాతావరణశాఖ – imd predicts andhra pradesh weather report that heavy to moderate rains in these districts for next three days

‘మంగళవారం పార్వతీపురంమన్యం, అల్లూరి సీతారామరాజు, రాయలసీమ జిల్లాల్లో పలు ప్రాంతాల్లో పిడుగులతో కూడిన తేలికపాటి నుంచి మోస్తారు వర్షాలు కురిసే అవకాశం ఉందని విపత్తుల నిర్వహణ సంస్థ పేర్కొంది. పిడుగుపాటు సమయంలో చెట్ల క్రింద ఉండరాదని హెచ్చరించింది. ఇవాళ సాయంత్రం 5 గంటల నాటికి నెల్లూరు జిల్లా వెలగపాడులో 73మిమీ, చిత్తూరు జిల్లా యడమర్రిలో 67మిమీ, నెల్లూరు జిల్లా గుడ్లదోనలో 57.5మిమీ కాకినాడ జిల్లా కరపలో 51మిమీ చొప్పున అధిక వర్షపాతం నమోదైంది’ అని ఏపీ విపత్తుల నిర్వహణ సంస్థ తెలిపింది.

పార్వతీపురం మన్యం జిల్లా సీతానగరంలో 97.6 మిల్లీ మీటర్లు, నంద్యాల జిల్లా కోయిలకుంట్లలో 65.8, ప్రకాశం జిల్లా పొదిలిలో 65.4, పార్వతీపురంలో 64.5, పార్వతీపురం మన్యం జిల్లా కురుపాంలో 61.2, చిత్తూరు జిల్లా పుంగనూరులో 52.4 మిల్లీ మీటర్ల వర్షపాతం నమోదైంది. పార్వతీపురం జిల్లా కొమరాడలో 40, విజయనగరం జిల్లా బొబ్బిలిలో 40 మిల్లీ మీటర్ల వర్షపాతం నమోదైంది. రాష్ట్రవ్యాప్తంగా పలు జిల్లాల్లో 30 మిల్లీ మీటర్ల వర్షపాతం నమోదైంది.