Visakhapatnam Vande Bharat Express Trains Maintenance Depot: దేశవ్యాప్తంగా వందే భారత్ రైళ్లకు మంచి ఆదరణ దక్కుతోంది. వీటిని పెంచేందుకు, కొత్త మార్గాల్లో నడిపేందుకు రైల్వే శాఖ చర్యలు చేపట్టింది. విశాఖపట్నంలో వందే భారత్ రైళ్ల నిర్వహణ కోసం రూ.300 కోట్లతో ప్రత్యేక డిపో ఏర్పాటు చేయనున్నారు. దీంతో రైళ్ల నిర్వహణ సులభతరం అవుతుందని.. అలాగే సమయపాలన మెరుగుపడి, ఖర్చులు కూడా తగ్గుతాయని భావిస్తున్నారు. దీనిపై త్వరలో క్లారిటీ వస్తుందంటున్నారు.
హైలైట్:
- ఏపీలో వందేభారత్ నిర్వహణకు డిపో
- విశాఖపట్నంలో ఏర్పాటుకు ప్రతిపాదన
- రూ.300 కోట్లతో ఏర్పాటు దిశగా అడుగులు
విశాఖపట్నం జోనల్ కేంద్రంగా మారడంతో, భవిష్యత్తులో మరిన్ని వందే భారత్ రైళ్లు ఇక్కడి నుంచి నడిచే అవకాశం ఉంది. తిరుపతికి కూడా ఒక రైలు త్వరలో వస్తుందని అంచనా వేస్తున్నారట. సాధారణ రైళ్లకు ఎనిమిది గంటలు పట్టే నిర్వహణ పనులకు, వందే భారత్ రైలుకు పది గంటలు పడుతుంది. దీనికోసం ప్రత్యేకమైన ‘పిట్‌ లైన్’ అవసరం. ఈ పిట్‌ లైన్‌పై రైలును నిలిపితే, సిబ్బంది కిందకు దిగి మరమ్మతులు చేస్తారు. అలాగే విశాఖపట్నం ఇప్పుడు వందే భారత్ రైళ్లకు జోనల్ కేంద్రంగా మారింది. దీనివల్ల భవిష్యత్తులో ఇక్కడి నుంచి మరిన్ని వందే భారత్ రైళ్లు నడిచే అవకాశాలున్నాయి.
వందేభారత్ స్లీపర్ రైలు ట్రయల్ రన్.. 180 కిలో మీటర్ల వేగంతో దూసుకెళ్లింది.
అందుకే రైల్వే అధికారులు ముందుగానే నిర్వహణ డిపో ప్లాన్ చేస్తున్నారట. మర్రిపాలెంలో ఈ నిర్వహణ డిపో ఏర్పాటుకు అవసరమైన భూమి అందుబాటులో ఉందని తెలుస్తోంది. దీనికోసం సుమారు రూ.300 కోట్లతో పనులు చేపట్టనున్నట్లు సమాచారం. ఈ డిపో ఏర్పాటుతో వందే భారత్ రైళ్ల నిర్వహణ సులభతరం అవుతుందంటున్నారు. దీనిపై త్వరలోనే పూర్తిస్థాయిలో క్లారిటీ వస్తుంది అంటున్నారు. ఇప్పటికే విజయవాడ, రేణిగుంట దగ్గర కూడా వందేభారత్ డిపోలు ఏర్పాటు చేయాలనే ప్రతిపాదనలు వచ్చాయి.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఆయన ఆంధ్రప్రదేశ్‌కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్‌తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
