మిత్ర మండలి ఈవెంట్లో బన్నీవాసు చేసిన కామెంట్స్ వైరల్‌ అవుతున్నాయి. ఎమోషనల్‌గా ఫైర్‌ అయ్యారు బన్నీవాసు. నన్ను తొక్కాలని చూసేవారు నా తల వెంట్రుకను కూడా పీకలేరు.. తల వెంట్రుకను మాత్రమే చూపిస్తున్నానంటే అది నా సంస్కారం. వేరే వెంట్రుకలను కూడా చూపించగలను అంటూ స్ట్రాంగ్‌ వార్నింగ్ ఇచ్చారు. ఎప్పుడూ సౌమ్యంగా, లాజికల్‌గా స్టేట్‌మెంట్స్ ఇచ్చే బన్నీ వాసు ఉన్నట్టుండి వెంట్రుకలు పీకలేరు అంటూ పెద్ద పెద్ద డైలాగులు ఎందుకు మాట్లాడాల్సి వచ్చింది? ఆయన్ని అంత ఫైర్‌కి గురి చేసిన విషయం ఏంటని మాట్లాడుకుంటున్నారు సినీ జనాలు. అసలు ఏం జరిగిందంటే..
సక్సెస్‌ ఫెయిల్యూర్‌లు జర్నీలో భాగం అంటూ మొదలుపెట్టి తనను తొక్కేయడానికి ట్రై చేస్తున్న వారి మీద ఫయర్‌ అయ్యారు. మిత్రమండలి ట్రైలర్‌ కింద ‘ఎక్కడ నవ్వాలో చెప్పండ్రా’ అనే కామెంట్‌ని ప్రస్తావించారు బన్నీ వాస్. సినిమా చూసిన వారికి నవ్వులు ఆగవు అని చెబుతూనే.. పాజిటివ్‌ యాటిట్యూడ్‌తో సాగాలని సలహా ఇచ్చారు. దీపావళికి విడుదలవుతున్న నాలుగు సినిమాలూ బావుండాలని అన్నారు. ఒక సినిమాను తొక్కేస్తే ఇంకో సినిమా ఆడుతుందనే భ్రమలు పనికిరావని కౌంటర్‌ ఇచ్చారు.
బన్నీవాసుకు వ్యతిరేకంగా కుట్రలు చేసింది ఎవరు? అసలు బన్నీ వాసుకు వ్యతిరేకంగా ట్రోలింగ్‌ చేయించింది ఎవరు? విడుదలవుతున్న సినిమాల్లో ఆ అవసరం ఎవరికి ఉంది.? పదే పదే ‘బ్రదర్‌’ అంటూ బన్నీ వాసు ఎవరిని సంబోధించారు? అనే చర్చ షురూ అయింది. పాజిటివ్‌ ఎనర్జీని నెగటివ్‌ ఎనర్జీగా మార్చుకుని పనిచేస్తున్న ట్రోలర్స్.. ఆ సదరు వ్యక్తుల దగ్గర ఎక్కువ డబ్బులు డిమాండ్‌ చేయాలన్న మాటలు కూడా వైరల్‌ అవుతున్నాయి. ఈ దీపావళికి మిత్రమండలితో పాటు తెలుసు కదా, కె – ర్యాంప్‌, డ్యూడ్‌ సినిమాలు ప్రేక్షకుల ముందుకు వస్తున్నాయి.
ఇవి కూడా చదవండి
మరిన్ని సినిమా వార్తల కోసం ఇక్కడ క్లిక్ చేయండి.
