Andhra Pradesh Government Release Revolving Fund to Dwcra Groups: డ్వాక్రా మహిళలకు ఏపీ ప్రభుత్వం తీపికబురు వినిపించింది. రాష్ట్రంలోని రెండు వేల డ్వాక్రా సంఘాలకు రివాల్వింగ్ ఫండ్ నిధులు మంజూరు చేసింది. డ్వాక్రా సంఘానికి రూ.15 వేలు చొప్పున రూ.3 కోట్లు నిధులు మంజూరు చేసింది. అయితే కొత్తగా ఏర్పాటైన డ్వాక్రా సంఘాలకు మాత్రమే ఈ రివాల్వింగ్ ఫండ్ నిధులు మంజూరు చేస్తున్నారు. డ్వాక్రా మహిళల పొదుపునకు ఈ రివాల్వింగ్ ఫండ్ కూడా కలవడంతో సంఘం నిధి పెరిగి.. బ్యాంకుల నుంచి అధిక రుణం తీసుకునేందుకు వీలవుతుందని అధికారులు చెప్తున్నారు.
ఇందులో భాగంగా కొత్తగా ఏర్పాటైన డ్వాక్రా సంఘాలకు కొంత నగదు అందించనున్నారు. రాష్ట్రవ్యాప్తంగా ఏర్పాటైన సుమారు 2 వేల డ్వాక్రా సంఘాలకు మూడు కోట్ల రూపాయల రివాల్వింగ్ ఫండ్ నిధులను ఏపీ ప్రభుత్వం మంజూరు చేసింది. ఒక్కో సంఘానికి రూ.15000 కింద ఈ రివాల్వింగ్ ఫండ్ అందించనున్నారు. అయితే ఇందుకోసం కూడా ప్రభుత్వం ఓ టైమ్ లైన్ విధించింది. 2024 ఆగస్ట్ 2 నుంచి 2025 నవంబర్ 30 మధ్యలో కొత్తగా ఏర్పాటైన డ్వాక్రా సంఘాలకు మాత్రమే ఈ రివాల్వింగ్ ఫండ్ అందిస్తున్నారు.
మరోవైపు ఈ రివాల్వింగ్ ఫండ్తో డ్వాక్రా సంఘం నిధి పెరుగుతుంది. దీంతో బ్యాంకులు ఈ సంఘాలకు ఎక్కువ మొత్తంలో రుణం మంజూరు చేసేందుకు అవకాశం ఉంది. అలాగే రివాల్వింగ్ ఫండ్ వలన ఇంకో ప్రయోజనం ఏమిటంటే డ్వాక్రా మహిళలు ఈ మొత్తాన్ని తిరిగి చెల్లించాల్సిన అవసరం లేదు. దీనికి అదనంగా పొదుపు చేసుకోవచ్చు. దీంతో ఎక్కువ మొత్తంలో బ్యాంక్ నుంచి రుణాలు పొందేందుకు అవకాశం ఉంటుందని అధికారులు చెప్తున్నారు.
మరోవైపు డ్వాక్రా సంఘాల కోసం ప్రభుత్వం అనేక కొత్త కార్యక్రమాలు అమలు చేస్తున్న సంగతి తెలిసిందే. స్త్రీ నిధి, విద్యాలక్ష్మి పేరుతో రుణాలు మంజూరు చేస్తున్న ప్రభుత్వం.. వాయిదాల చెల్లింపులలో ఇబ్బందులు రాకుండా పారదర్శకత కోసం మన డబ్బులు – మన లెక్కలు యాప్ కూడా తెచ్చిన సంగతి తెలిసిందే.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాల సమాచారం, మౌలిక సదుపాయాల కల్పనకు సంబంధించిన కథనాలు, రాజకీయ వార్తలతోపాటు ప్రత్యేక కథనాలు అందిస్తుంటారు. ఏపీ అసెంబ్లీ ఎన్నికలకు సంబంధించి ఆయన ఆసక్తికర కథనాలు, స్పెషల్ ఆర్టికల్స్ రాశారు. గతంలో వీడియో టీమ్లో పని చేసిన వెంకటరమణకు స్పోర్ట్స్ న్యూస్ రాసిన అనుభవం కూడా ఉంది. జర్నలిజంలో 8 ఏళ్ల అనుభవం ఉన్న వెంకటరమణ గతంలో ప్రముఖ మీడియా సంస్థల్లో నేషనల్. ఇంటర్నేషనల్, స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు. ఉత్తమ పనితీరు కనబర్చినందుకు గానూ 2025, ఫిబ్రవరిలో వెంకటరమణ టైమ్స్ ఇంటర్నెట్ నుంచి వావ్ అవార్డును అందుకున్నారు.… ఇంకా చదవండి
