Gold and Silver Prices: భారీగా దిగి వచ్చిన బంగారం ధరలు ఒక్కసారిగా మళ్లీ షాకిచ్చాయి. శనివారం భారీగా ఎగబాకింది. ఇప్పటికే రికార్డు స్థాయిలో దూసుకుపోగా, గత రెండు రోజుల నుంచి దిగి వస్తోంది.
కానీ ఉన్నట్టుండి శనివారం మాత్రం భారీగా ఎగబాకింది. 24 క్యారెట్ల 10 గ్రాముల బంగారంపై ఏకంగా 1970 రూపాయలు పెరిగింది. అదే 22 క్యారెట్ల 10 గ్రాముల ధరపై ఏకంగా 1800 వరకు పెరిగింది.
పెరిగిన తర్వాత 24 క్యారెట్ల 10 గ్రాముల బంగారం ధర రూ.1,57,750 ఉంది. అంతకు ముందు దీని ధర రూ.1,55,780 ఉండేది.
ఇక 22 క్యారెట్ల 10 గ్రాముల బంగారం ధర పెరిగిన తర్వాత రూ.1,44,600 వద్ద ట్రేడవుతోంది. అదే అంతకు ముందు ధర అంటే పెరగకముందు రూ.1,42,800 వద్ద ఉండేది.
ఇక వెండి విషయానికొస్తే.. బంగారం ధర పెరిగితే వెండి మాత్రం భారీగా తగ్గుముఖం పట్టింది. పరుగులు పెడుతున్న వెండి రెండు రోజుల నుంచి భారీగా దిగి వస్తోంది. నిన్న ఒక్కసారిగా రూ.15,000 దిగి రాగా, ప్రస్తుతం 5000 రూపాయల వరకు దిగి వచ్చింది. ప్రస్తుతం తగ్గిన తర్వాత వెండి ధర కిలోకు రూ.2,75,000 వద్ద ట్రేడవుతోంది.
