మనం నిత్యం ఉపయోగించే వాటిల్లో పాలు ఒకటి. కానీ, ఇటీవల కాలంలో పాలలో కల్తీ పెరిగిపోవడంతో ప్రజల ఆరోగ్యంపై తీవ్ర ప్రభావం పడుతోంది. ఈ పరిస్థితిలో, మనం కొనే పాలు స్వచ్ఛమైనవో కావో ఇంట్లోనే గుర్తించడం చాలా అవసరం. కొన్ని సులభమైన చిట్కాల ద్వారా కల్తీ పాలను ఎలా గుర్తించాలో తెలుసుకుందాం.
నీటి కల్తీ: ఒక పలకను ఏటవాలుగా ఉంచి, దానిపై పాలచుక్కను జారవిడిస్తే.. పాలు నెమ్మదిగా, తెల్లని గీతతో కిందకు జారితే స్వచ్ఛమైనవి. అలా కాకుండా, అస్పష్టంగా, చాలా వేగంగా జారితే పాలలో నీరు కలిసినట్లు అర్థం చేసుకోవాలి.
పిండి లేదా స్టార్చ్ కల్తీ: కొద్దిపాటి పాలలో అయోడిన్ ద్రావణం ఒకటి లేదా రెండు చుక్కలు వేయండి. పాలు నీలి రంగులోకి మారితే, అందులో పిండి లేదా స్టార్చ్ కలిపారని అర్థం. పాలు తమ సాధారణ తెలుపు రంగులోనే ఉంటే, కల్తీ లేనట్లు.
సర్ఫ్, సబ్బు లేదా నూనెల కల్తీ: పాలను మరిగించినప్పుడు పసుపు రంగులోకి మారితే, అందులో సర్ఫ్, సబ్బు లేదా ఇతర నూనె పదార్థాలు కలిసినట్లు సూచిస్తుంది. స్వచ్ఛమైన పాలు మరిగించినప్పుడు రంగు మారవు.
గంజి పౌడర్ కల్తీ: 5 మిల్లీలీటర్ల పాలలో 2 స్పూన్ల ఉప్పు కలపండి. ఈ మిశ్రమం నీలి రంగులోకి మారితే, పాలలో గంజి పౌడర్ కలిపినట్లు తెలుస్తుంది.
ఈ చిట్కాలు మీ కుటుంబ ఆరోగ్యాన్ని కాపాడుకోవడానికి ఎంతగానో సహాయపడతాయి. అయితే, ఇది కేవలం అవగాహన కోసమే అని గుర్తుంచుకోవాలి. ఆరోగ్య సమస్యలుంటే వైద్య నిపుణులను సంప్రదించడం ఉత్తమం.
