AP Govt Qr Codes For Public Services: ఏపీ ప్రభుత్వం ప్రజలకు సేవల్ని మరింత చేరువ చేస్తోంది. దీని కోసం ప్రతి ఇంటికి క్యూఆర్ కోడ్ను అంటించనున్నారు. క్షణాల్లో ఆస్తి పన్ను చెల్లించొచ్చు, సమస్యలపైనా ఫిర్యాదులు చేయొచ్చు. పట్టణాలు, నగరాల్లోని మున్సిపాలిటీలు, కార్పొరేషన్లలో ఈ సేవల్ని అందబాటులోకి తీసుకురానున్నారు. ప్రభుత్వ కార్యాలయాల చుట్టూ తిరగాల్సిన పని లేకుండా ప్రభుత్వం ఈ నిర్ణయం తీసుకుంది. ప్రతి ఇంటికి త్వరలోనే ఈ క్యూఆర్ కోడ్ అంటిస్తారు.
హైలైట్:
- ఏపీలో ప్రతి ఇంటికి క్యూఆర్ కోడ్
- ఆస్తి పన్నులు సహా ఇతర సేవలు
- ప్రభుత్వ ఆఫీసులకు వెళ్లక్కర్లేదు
క్యూఆర్ కోడ్ స్కాన్ చేయగానే ఇంటికి సంబంధించిన సమగ్ర సమాచారాన్ని (ఇళ్లు, షాపుల నిర్మాణ విస్తీర్ణం, ఏటా చెల్లిస్తున్న ఆస్తిపన్ను, బకాయిలు ఉంటే ఆ వివరాలు) యజమానులు తెలుసుకోవచ్చని అధికారులు తెలిపారు. అదే వ్యాపారసంస్థ, షాపు అయితే ట్రేడ్ లైసెన్స్ ఫీజుల బకాయిలు తెలుసుకోవచ్చని తెలిపారు. క్యూఆర్ కోడ్ స్కాన్ చేస్తే చాలు ఇళ్లకు దగ్గరలో ఉండే, థియేటర్లు, జిమ్లు, కళ్యాణ మండపాలు, హోటల్స్, స్టోర్స్, విద్యా సంస్థల వివరాలు కూడా తెలుసుకోవచ్చు. అంతేకాదు వారిని సంప్రదించేందుకు వీలుగా మొబైల్ నంబర్లు కూడా అందుబాటులో ఉంటాయి. కేంద్రం దేశవ్యాప్తంగా మున్సిపాలిటీలు, కార్పొరేషన్లలో సిటీ సర్వీస్ సెంటర్ల కార్యక్రమాన్ని అమలు చేస్తోంది. అందుకే క్యూఆర్ కోడ్ స్కానింగ్ ప్రాజెక్టును ఏపీలో కూడా తీసుకొస్తున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఆయన ఆంధ్రప్రదేశ్కు సంబంధించిన తాజా వార్తలు, ప్రభుత్వ పథకాలు, తిరుమల అప్డేట్స్, ఫ్యాక్ట్ చెక్ ఆర్టికల్స్, మౌలిక సదుపాయాల కల్పనకు సంబంధించిన కథనాలు, పాలిటిక్స్తోపాటు ప్రత్యేక కథనాలు అందిస్తుంటారు. ఆయనకు జర్నలిజంలో 13 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో రాష్ట్ర వార్తలు, పొలిటికల్ న్యూస్ రాశారు. గతంలో క్షేత్రస్థాయిలో పొలిటికల్ సర్వేల్లో పాల్గొన్న అనుభవం తిరుమల బాబుకు ఉంది. ఆంధ్రప్రదేశ్ అసెంబ్లీకి ఎన్నికలకు సంబంధించి మూడు ఎన్నికల కోసం జర్నలిస్టుగా పని చేసిన అనుభవం ఆయనకు ఉంది. ఆచార్య నాగార్జున యూనివర్సిటీ నుంచి తిరుమల బాబు జర్నలిజంలో పీజీ పూర్తి చేశారు. ఉత్తమ పనితీరు కనబర్చినందుకు గానూ 2024లో తిరుమలబాబు టైమ్స్ ఇంటర్నెట్ నుంచి సూపర్ స్టార్ అవార్డును అందుకున్నారు.… ఇంకా చదవండి
