టాలీవుడ్ యంగ్ హీరో శ్రీ సింహా, స్టార్ కమెడియన్ సత్య ప్రధాన పాత్రల్లో నటించిన చిత్రం ‘మత్తు వదలరా 2’. 2019లో సైలెంట్ గా రిలీజై సూపర్ హిట్ గా నిలిచిన మత్తు వదలరా ఇదికి సీక్వెల్. రితేశ్ రానా తెరకెక్కించిన ఈ బ్లాక్ బస్టర్ క్రైమ్ కామెడీ థ్రిల్లర్ లో జాతి రత్నాలు ఫేం ఫరియా అబ్దుల్లా మరో లీడ్ రోల్లో నటించింది. సెప్టెంబర్ 13న ప్రేక్షకుల ముందుకు వచ్చిన ఈ చిత్రం బాక్సాఫీస్ వద్ద సూపర్ హిట్ గా నిలిచింది. సినిమా చూసిన వారందరూ కడుపుబ్బా నవ్వుకున్నామన్నారు. ముఖ్యంగా సినిమాలో సత్య కామెడీ అదిరిపోయిందని ప్రశంసలు కురిపించారు. అలాగే శ్రీ సింహా, వెన్నెల కిశోర్, ఫరియా అబ్దుల్లా, సునీల్, అజయ్ ల నటన కూడా బాగుందని పాజిటివ్ రివ్యూలు వచ్చాయి. ఇలా థియేటర్లలో సూపర్ హిట్ గా నిలిచిన మత్తు వదలరా 2 మూవీ ఓటీటీలోకి ఎప్పుడు వస్తుందా? అని ఆడియెన్స్ ఎదురు చూస్తున్నారు. మత్తు వదలరా 2 మూవీ డిజిటల్ స్ట్రీమింగ్ హక్కులను ఓటీటీ దిగ్గజం నెట్ ఫ్లిక్స్ సొంతం చేసుకుంది. తాజాగా ఈ మూవీ ఓటీటీ రిలీజ్ పై కీలక అప్డేట్ వచ్చింది. శుక్రవారం (అక్టోబర్ 11) నుంచే ఈ బ్లాక్ బస్టర్ మూవీ ఓటీటీలో స్ట్రీమింగ్ కానుంది. దీనిపై నెట్ఫ్లిక్స్ ఇంకా అధికారిక ప్రకటన ఇంకా చేయకపోయినా, సదరు ఓటీటీ ప్లాట్ఫామ్ పై మత్తు వదలరా 2 అని సెర్చ్ చేస్తే శుక్రవారం స్ట్రీమింగ్ కు వస్తోందని తెలిపింది. అంటే ఇవాళ్టి అర్ధరాత్రి నుంచే ఈ మూవీ ఓటీటీలోకి అందుబాటులోకి రానుందన్న మాట. ఈ దసరా పండుగకు ఓటీటీలో నవ్వుల జల్లులు కురుస్తున్నాయన్నమాట.
క్లాప్ ఎంటర్టైన్మెంట్, మైత్రీ మూవీ మేకర్స్ బ్యానర్లపై చిరంజీవి పెద్దమల్లు, హేమలత పెద్దమల్లు సంయుక్తంగా మత్తు వదలరా 2 సినిమాను నిర్మించారు. తక్కువ బడ్జెట్ తో తెరకెక్కిన ఈ మూవీ నిర్మాతలకు కాసుల వర్షం కురిపించింది. ఓవరాల్ గా రూ. 35 కోట్లకు పైగానే వసూళ్లు రాబట్టిందని సమాచారం. మరి థియేటర్లలో మత్తు వదలరా 2 సినిమాను మిస్ అయ్యారా? అయితే మరికొన్ని గంటలు వెయిట్ చేయండి. దసరా పండగకు ఎంచెక్కా ఇంట్లోనే ఈ మూవీని చూసి కడుపుబ్బా నవ్వుకోండి.
ఇవి కూడా చదవండి
ఇవాళ్టి అర్ధరాత్రి నుంచే నెట్ ఫ్లిక్స్ లో స్ట్రీమింగ్..
#MathuVadalara2
Streaming this Friday onwards on #Netflix #SriSimhaKoduri #FariaAbdullah #Sathya pic.twitter.com/uxOAFNbGeg— Telugu Television News (@TeluguTvExpress) October 9, 2024
మత్తు వదలరా 2 ట్రైలర్..
మరిన్ని సినిమా వార్తల కోసం ఇక్కడ క్లిక్ చేయండి.
