సౌత్‌ కొరియాకు చెందిన ఎలక్ట్రానిక్‌ దిగ్గజం సామ్సంగ్ మార్కెట్లోకి వరుసగా ఫోన్‌లను లాంచ్‌ చేస్తూ వస్తోంది. ఓవైపు ప్రీమియం మార్కెట్‌తో పాటు మరోవైపు బడ్జెట్ మార్కెట్‌ను సైతం టార్గెట్ చేసుకొని కొంగొత్త సినిమాలను తీసుకొస్తోంది. ఈ క్రమంలోనే తాజాగా సామ్సంగ్ కొత్త ఫోన్‌ను తీసుకొచ్చే పనిలో పడింది. సామ్సంగ్ గ్యాలక్సీ ఏ16 పేరుతో తీసుకొచ్చిన ఈ 5జీ స్మార్ట్ ఫోన్‌లో ఎలాంటి ఫీచర్లు ఉండనున్నాయి.? ధర ఎంత.? లాంటి పూర్తి వివరాలు ఇప్పుడు తెలుసుకుందాం..
ప్రముఖ ఎలక్ట్రానిక్‌ దిగ్గజం సామ్సంగ్ గ్యాలక్సీ ఏ16 పేరుతో మార్కెట్లోకి కొత్త ఫోన్‌ను తీసుకొస్తోంది. ఇప్పటికే గ్లోబల్ మార్కెట్లోకి లాంచ్‌ అయిన ఈ ఫోన్‌ను త్వరలోనే భారత మార్కెట్లోకి తీసుకొచ్చేందుకు సన్నాహాలు చేస్తున్నారు. ఈ స్మార్ట్ ఫోన్‌ను బ్లూ బ్లాక్, గోల్డ్, లైట్ గ్రీన్ కలర్స్‌లో తీసుకురానున్నారు. సామ్సంగ్ ఈ ఫోన్‌తో ఆరేళ్లపాటు సెక్యూరిటీ, ఓఎస్ అప్ డేట్స్ అందించనున్నట్లు తెలిపింది. ఇక ధర విషయానికొస్తే 4 జీబీ ర్యామ్‌, 128 జీబీ స్టోరేజ్‌ వేఇరయంట్‌ ధరను ఇండియన్‌ కరెన్సీ ప్రకారం రూ. 23 వేలకు తీసుకొచ్చే అవకాశాలు ఉన్నాయి.
ఫీచర్ల విషయానికొస్తే ఈ స్మార్ట్ ఫోన్‌లో మీడియాటెక్ డైమెన్సిటీ 6300 ప్రాసెసర్‌ను అందించారు. ఈ ఫోన్‌లో 90 హెర్జ్ట్‌ రీఫ్రెష్‌ రేటుతో కూడిన 6.5 ఇంచెస్‌ ఫుల్‌ హెచ్‌డీ+ స్క్రీన్‌ను అందించారు. 1080×2340 పిక్సెల్స్ రిజల్యూషన్‌ ఈ స్క్రీన్‌ సొతం. ఇక ఈ ఫోన్‌ ఆండ్రాయిడ్‌ 14 ఆధారిన వన్‌ యూఐ 6.1 ఆపరేటింగ్ సిస్టమ్‌తో పనిచేస్తుంది. కెమెరా విషయానికొస్తే ఈ స్మార్ట్ ఫోన్‌లో 50 మెగాపిక్సెల్స్‌తో కూడిన రెయిర్‌ కెమెరాను అందించారు. అలాగే.. 5-మెగా పిక్సెల్ సెన్సర్ విత్ ఆల్ట్రావైడ్ లెన్స్ కెమెరా, 2-మెగా పిక్సెల్ మాక్రో కెమెరాను ఇచ్చారు. ఇక సెల్ఫీలు, వీడియో కాల్స్‌ కోసం ఇందులో 13 మెగాపిక్సెల్స్‌తో కూడిన ఫ్రంట్‌ కెమెరాను అందించారు. ఇక ఈ ఫోన్‌లో 25 వాట్స్‌కు సపోర్ట్‌ చేసే 5000 ఎమ్‌ఏహెచ్‌ కెపాసిటీతో కూడిన బ్యాటరీని అందించారు. కనెక్టివిటీ విషయానికొస్తే ఇందులో.. డ్యుయల్ 5జీ, ఎన్ఎఫ్సీ, జీపీఎస్, బ్లూటూత్ 5.3, వై-ఫై, యూఎస్బీ టైప్ సీ వంటి ఫీచర్లను అందించారు.
మరిన్ని టెక్నాలజీ వార్తల కోసం క్లిక్‌ చేయండి..
