ఏప్రిల్ నెల వచ్చేసరికి ట్రావెల్ ప్లాన్లు మొదలవుతాయి. వేడి ఎక్కువ కాకముందే ఒక మంచి ట్రిప్ ప్లాన్ చేయాలనుకుంటే, నదీతీర ప్రాంతాలు (Riverside Destinations) పర్ఫెక్ట్ ఛాయిస్. ప్రకృతి అందాలు, ప్రశాంత వాతావరణం, చల్లని గాలి.. ఇవన్నీ కలిసి మీ ట్రిప్ను మరింత ప్రత్యేకంగా మారుస్తాయి. ఇప్పుడు మనం ఏప్రిల్లో తప్పకుండా సందర్శించాల్సిన భారతదేశంలోని 5 అందమైన నదీతీర ప్రదేశాలు గురించి తెలుసుకుందాం.
మహేశ్వర్, మధ్యప్రదేశ్
నర్మదా నది తీరంలో ఉన్న మహేశ్వర్ ప్రశాంతతతో పాటు సంస్కృతి కూడా అందిస్తుంది. అందమైన ఘాట్లు, మహేశ్వర్ కోట, ప్రసిద్ధ హ్యాండ్లూమ్ చీరలు ప్రత్యేక ఆకర్షణగా ఉంటాయి.
చాలా పర్యాటక ప్రదేశాల వలె కాకుండా, మహేశ్వర్ ఇప్పటికీ తన పాతకాలపు ఆకర్షణను నిలుపుకుంది. ప్రశాంతతను, నిశ్శబ్దాన్ని కోరుకునే ప్రయాణికులకు ఇది సరైన ప్రదేశం.
ప్రకృతి అందాలు, నది శబ్దం, ప్రశాంత వాతావరణం.. ఈ 5 ప్రదేశాలు మీ ఏప్రిల్ ట్రిప్ను మరచిపోలేని అనుభవంగా మారుస్తాయి. మీరు అడ్వెంచర్ ప్రేమికులైనా, రిలాక్స్ కావాలనుకునేవారైనా.. ఈ లిస్ట్లో మీకు సరిపోయే ప్రదేశం తప్పకుండా ఉంటుంది.
హంపి, కర్ణాటక
యునెస్కో వారసత్వ ప్రదేశమైన హంపి, తుంగభద్ర నది పక్కన ఉంది. చారిత్రక అవశేషాలు, కొరకల్ బోటు రైడ్, సన్సెట్ వ్యూస్ అద్భుతంగా ఉంటాయి. మీరు పగటిపూట పురాతన కట్టడాలను సందర్శించి, సాయంత్రం నది ఒడ్డున పాత కట్టడాలపై సూర్యాస్తమయాన్ని చూస్తూ గడపవచ్చు. ఈ ప్రకృతి దృశ్యాన్ని ఒక విభిన్న కోణంలో అనుభవించడానికి నదిలో తెప్ప ప్రయాణం ఒక ప్రత్యేకమైన మార్గం.
రిషికేశ్, ఉత్తరాఖండ్
గంగా నది తీరంలో ఉన్న ఋషికేశ్ ఆధ్యాత్మికత, అడ్వెంచర్ కలయిక. రివర్ రాఫ్టింగ్, యోగా, ధ్యానం, గంగా ఆర్తి ఇవన్నీ మనసుకు ఎంతో ఆహ్లాదాన్ని కలిగిస్తాయి. ఉదయం పూట నది ఒడ్డున యోగా సాధన చేస్తూ గడపవచ్చు, సాయంత్రం గంగా హారతి మాయా దృశ్యాన్ని ఆస్వాదించవచ్చు.
కూర్గ్, కర్ణాటక
“ఇండియాలోని స్కాట్లాండ్”గా పిలవబడే కూర్గ్, కాఫీ తోటలు, నదీతీర అందాలతో ప్రసిద్ధి. కావేరి నది సమీపంలో చల్లని వాతావరణం, కాఫీ ప్లాంటేషన్ స్టేస్, జలపాతాలు, హిల్స్ మనసును ఆకట్టుకుంటాయి. కూర్గ్ ఏప్రిల్ నెలలో కూడా చాలా ఆహ్లాదకరంగా ఉంటుంది, ఎందుకంటే సౌకర్యవంతమైన బస కోసం ఇది మరీ వేడిగా గానీ, మరీ చల్లగా గానీ ఉండదు.
తిర్థన్ వ్యాలీ – హిమాచల్ ప్రదేశ్
హిమాచల్ ప్రదేశ్లో ఉన్న తిర్థన్ వ్యాలీ ఒక హిడెన్ జెమ్లా ఉంటుంది. ఇక్కడ ప్రకృతి అందాలు ఇంకా అప్రభావితంగా ఉంటాయి. తిర్థన్ నది పక్కన ప్రశాంతమైన స్టే, ట్రౌట్ ఫిషింగ్, ట్రెక్కింగ్, గ్రేట్ హిమాలయన్ నేషనల్ పార్క్ సందర్శన అద్భుతంగా ఉంటుంది.
