ఏపీ ప్రభుత్వం కీలక నిర్ణయం తీసుకుంది. రేపు (రెండో శనివారం) రిజిస్ట్రేషన్ ఆఫీసులు పనిచేయనున్నట్లు తెలిపింది. ఈ మేరకు ఏపీ స్టాంపులు, రిజిస్ట్రేషన్ల శాఖ ఉత్తర్వులు జారీ చేసింది. రెండో శనివారం సెలవు రద్దు చేసిన ఏపీ ప్రభుత్వం.. యధావిధిగా ఉదయం నుంచి సాయంత్రం వరకూ అన్ని సబ్ రిజిస్ట్రార్ ఆఫీసులు పనిచేయాలని ఉత్తర్వులు జారీ చేసింది. మరోవైపు ఏపీ ప్రభుత్వంన ఆస్తుల రిజిస్ట్రేషన్ కోసం స్లాట్ బుకింగ్ విధానం అమలు చేస్తున్న సంగతి తెలిసిందే.
మరోవైపు ఇటీవల ఉగాది, రంజాన్ రోజుల్లోనూ సబ్ రిజిస్ట్రార్ కార్యాలయాలు పనిచేశాయి. మార్చి నెల 30 (ఆదివారం), 31 (సోమవారం) రోజుల్లోనూ ఉదయం 11.00 నుంచి సాయంత్రం 5.30 గంటల వరకు సబ్ రిజిస్ట్రార్ కార్యాలయాలు పనిచేశాయి. ఆర్థిక సంవత్సరం ముగింపు కావటంతో ఏపీలోని అన్ని సబ్ రిజిస్ట్రార్ కార్యాలయాలు, జిల్లా రిజిస్ట్రార్ ఆఫీసులు, డిప్యూటీ ఇన్‌స్పెక్టర్ జనరల్ ఆఫీసులకు వర్కింగ్ డేలుగా ప్రకటించారు. తాజాగా రెండో శనివారం రోజైన రేపు కూడా (ఏప్రిల్ 12) సబ్ రిజిస్ట్రార్ కార్యాలయాలు పనిచేస్తాయని ఏపీ స్టాంపులు, రిజిస్ట్రేషన్ల శాఖ తెలిపింది.
మరోవైపు ఆంధ్రప్రదేశ్ ప్రభుత్వం ఆస్తుల రిజిస్ట్రేషన్ల కోసం స్లాట్ బుకింగ్ విధానం అమలు చేస్తున్న సంగతి తెలిసిందే. ప్రజలకు రిజిస్ట్రేషన్ సేవలను మరింత మెరుగ్గా, వేగంగా అందించాలనే లక్ష్యంతో ఏపీ ప్రభుత్వం ఈ స్లాట్ బుకింగ్ విధానం అమల్లోకి తెచ్చింది. అందులో భాగంగానే ప్రయోగాత్మకంగా కొన్ని సబ్ రిజిస్ట్రార్ కార్యాలయాల్లో స్లాట్ బుకింగ్ విధానం అమలు చేస్తున్నారు. కొత్త విధానం ప్రకారం ఆస్తులు రిజిస్ట్రేషన్ చేసుకోవాలనుకునేవారు పని దినాల్లో ఉదయం 10: 30 నుంచి సాయంత్రం 5:30 మధ్యలో స్లాట్‌ను బుక్ చేసుకోవచ్చు.
నిర్దేశిత సమయంలోనే రిజిస్ట్రేషన్ ప్రక్రియ పూర్తి చేయాల్సి ఉంటుంది. ఈ విధానం ద్వారా రిజిస్ట్రేషన్ ఆఫీసుల్లో గంటల తరబడి నిరీక్షించే ఇబ్బందులు ప్రజలకు తప్పుతాయని ప్రభుత్వం భావిస్తోంది. ఇక సెలవు దినాల్లోనూ రూ.5వేలు చెల్లించి రిజిస్ట్రేషన్ చేసుకోవచ్చు. అయితే రేపు వర్కింగ్ డే కావటంతో ఐదు వేలు చెల్లించకుండానే రిజిస్ట్రేషన్ చేసుకునే వీలుంది.
రచయిత గురించివంకం వెంకటరమణవంకం వెంకటరమణ సమయం తెలుగులో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ క్రీడావార్తలతో పాటు జాతీయ, అంతర్జాతీయ వ్యవహారాలకు సంబంధించిన తాజా వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 6 సంవత్సరాల అనుభవం ఉంది. గతంలో ప్రముఖ మీడియా సంస్థల్లో స్పోర్ట్స్, పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
