లైగర్ ఫ్లాప్ తర్వాత ఖుషి, ది ఫ్యామిలీ మ్యాన్ సినిమాలతో మళ్లీ సక్సెస్ ట్రాక్ లోకి వచ్చాడు టాలీవుడ్ రౌడీ బాయ్ విజయ్ దేవరకొండ. ప్రస్తుతం కింగ్ డమ్ అనే ఓ పాన్ ఇండియా సినిమాలో నటిస్తున్నాడు. జెర్సీ ఫేమ్ గౌతమ్ తిన్ననూరి ఈ సినిమాకు దర్శకత్వం వహిస్తున్నాడు. త్వరలోనే ఈ సినిమా ప్రేక్షకుల ముందుకు రానుంది. కాగా తన సినిమా షూటింగులో బిజీగా ఉంటోన్న విజయ్ దేవర కొండ ఇటీవల సూర్య నటించిన రెట్రో సినిమా ప్రీ రిలీజ్ ఈవెంట్ కు ముఖ్య అతిథిగా హాజరయ్యాడు. ఈ సందర్భంగా హీరో సూర్యతో తనకున్న అనుబంధాన్ని మరోసారి గుర్తు చేసుకున్నాడు. ఇదే సినిమా ఈవెంట్ రౌడీ హీరో చేసిన పనికి నెట్టింట ప్రశంసలు వెల్లువెత్తుతున్నాయి. వివరాల్లోకి వెళితే.. విజయ్ దేవరకొండకు ఉన్న ఫ్యాన్ ఫాలోయింగ్ గురించి ప్రత్యేకంగా చెప్పక్కర్లేదు. అందులోనూ అతనికి లేడీ ఫ్యాన్ ఫాలోయింగ్ నెక్ట్స్ లెవెల్ అంతే. ఈ క్రమంలోనే రెట్రో ఈవెంట్‌కు వచ్చిన విజయ్ దేవరకొండ లేడీ ఫ్యాన్స్ రౌడీ హీరోతో ఫొటో తీసుకోవాలని ఆశపడ్డారు. అందుకు విజయ్ కూడా అంగీకరించాడు. దీంతో అతని దగ్గరకి ఫొటో తీసుకోవాలని చాలా మంది అమ్మాయిలు వెళ్లారు.
ఇదే క్రమంలో అక్కడ సోఫాలో నార్మల్‌గా కూర్చున్న విజయ్ తన కాళ్లు వాళ్లకి ఎక్కడ తగులుతుందో అని భావించి ముందే కాళ్లను పైకి పెట్టి కూర్చున్నాడు. ఇందుకు సంబంధించిన వీడియో ఇప్పుడు నెట్టింట వైరల్‌గా మారింది. దీనిని చూసిన విజయ్ అభిమానులు, నెటిజన్లు తమ హీరోపై ప్రశంసల వర్షం కురిపిస్తున్నారు. ‘గోల్డ్‌ రా మా అన్న’ అంటూ క్రేజీ కామెంట్స్ చేస్తున్నారు.
ఇవి కూడా చదవండి
వీడియో ఇదిగో..
ఇక రెట్రో సినిమా విషయానికి వస్తే.. కార్తీక్ సుబ్బరాజు తెరకెక్కించిన ఈ మూవీలో పూజా హెగ్డే హీరోయిన్ గా నటిస్తోంది. తెలుగులో ఈ సినిమాను సితార ఎంటర్టైన్మెంట్స్ బ్యానర్ పై సూర్యదేవర నాగ వంశీ రిలీజ్ చేస్తున్నారు. ఇక ఈ యాక్షన్ థ్రిల్లర్ మూవీ మే 1న ప్రపంచ వ్యాప్తంగా థియేటర్లలో రిలీజ్ కానుంది.
రెట్రో సినిమా ప్రీ రిలీజ్ ఈవెంట్ లో హీరో సూర్య తో విజయ్ దేవరకొండ..
మరిన్ని సినిమా వార్తల కోసం ఇక్కడ క్లిక్ చేయండి
