Tirumala Special Festivals In July Month: తిరుమల శ్రీవారి ఆలయంలో జూలై నెలలో జరిగే ఉత్సవాల గురించి టీటీడీ ప్రకటించింది. పెరియాళ్వార్ శాత్తుమొర, శయన ఏకాదశి, ఆణివారి ఆస్థానం వంటి ముఖ్యమైన కార్యక్రమాలు ఉన్నాయి. అన్నమయ్య జిల్లా నందలూరులో శ్రీ సౌమ్యనాథ స్వామి వార్షిక బ్రహ్మోత్సవాలు కూడా జరగనున్నాయి. ఈ ఉత్సవాల్లో ధ్వజారోహణం, వాహన సేవలు, రథోత్సవం వంటి ఎన్నో విశేషాలు ఉన్నాయి. భక్తులు ఈ ఆధ్యాత్మిక వేడుకల్లో పాల్గొని తరించవచ్చు.
హైలైట్:
- తిరుమలలో ప్రతి నెలలో విశేష ఉత్సవాలు
- జులై నెలకు సంబంధించి వివరాలు వెల్లడి
- తిరుమల శ్రీవారి గరుడసేవ నిర్వహిస్తారు
శ్రీ సౌమ్యనాథ స్వామి వార్షిక బ్రహ్మోత్సవాలు
అన్నమయ్య జిల్లా నందలూరు శ్రీ సౌమ్యనాథ స్వామి వార్షిక బ్రహ్మోత్సవాలు జూలై 05 నుండి 13వ తేదీ వరకు వైభవంగా జరుగనున్నాయి. బ్రహ్మోత్సవాలకు జూలై 04వ తేదీ అంకురార్పణ నిర్వహిస్తారు. జూలై 05న ఉదయం 10.30 నుండి 11.00 గంటల వరకు ధ్వజారోహణంతో బ్రహ్మోత్సవాలు ప్రారంభమవుతాయి. బ్రహ్మోత్సవాల్లో ప్రతిరోజు ఉదయం 8 గంటలకు, రాత్రి 7 గంటలకు వాహనసేవలు జరుగుతాయి. వాహనసేవల వివరాలు.. 05-07-2024 ఉదయం – ధ్వజారోహణం, రాత్రి – యాలి వాహనం..
06-07-2024 ఉదయం – పల్లకీ సేవ, రాత్రి – హంస వాహనం.. 07-07-2024 ఉదయం – పల్లకీ సేవ, రాత్రి – సింహ వాహనం.. 08-07-2024 ఉదయం – పల్లకీ సేవ, రాత్రి – హనుమంత వాహనం.. 09-07-2024 ఉదయం – శేష వాహనం, రాత్రి – గరుడ వాహనం.. 10-07-2024 ఉదయం – సూర్యప్రభ వాహనం, రాత్రి – చంద్రప్రభ వాహనం.. 11-07-2024 ఉదయం – ఆర్జిత కల్యాణోత్సవం (ఉదయం 10 గంటలకు), రాత్రి – గజ వాహనం.. 12-07-2024 ఉదయం – రథోత్సవం (ఉదయం 08 గంటలకు), రాత్రి – అశ్వవాహనం.. 13-07-2024 ఉదయం – చక్రస్నానం, రాత్రి – ధ్వజావరోహణం నిర్వహిస్తారు.
తిరుమలలో జులై నెలలో విశేష ఉత్సవాలు.. ప్రత్యేకతలు ఏంటో తెలుసా!
జూలై 11వ తేదీ ఉదయం 10 గంటలకు ఆర్జిత కల్యాణోత్సవం జరుగనుంది. గృహస్తులు(ఇద్దరు) రూ.500/- చెల్లించి ఈ కల్యాణోత్సవంలో పాల్గొనవచ్చు. గృహస్తులకు ఒక ఉత్తరీయం, ఒక రవికె, అన్నప్రసాదాలు బహుమానంగా అందజేస్తారు. జూలై 14న సాయంత్రం 6 గంటలకు పుష్పయాగం నిర్వహించనున్నారు. ఈ సందర్భంగా టీటీడీ హిందూ ధర్మప్రచార పరిషత్, అన్నమాచార్య ప్రాజెక్ట్, దాససాహిత్య ప్రాజెక్టుల ఆధ్వర్యంలో ప్రతిరోజూ ఆధ్యాత్మిక, భక్తి సంగీత, సాంస్కృతిక కార్యక్రమాలు నిర్వహించనున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
