శరీరంలోని అదనపు కొవ్వును తగ్గించుకుని, ఫిట్గా మారాలనుకున వారు గంటల తరబడి జిమ్లలో కసరత్తులు చేస్తుంటారు. దీనితోపాటు కఠనమై డైట్ ఫాలో అవుతుంటారు. అయితే డైట్ చార్ట్లో బోరింగ్ ఆహారాన్ని తినలేక ఇబ్బంది పడేవారికి బ్రొకోలి మంచి ఎంపిక. పోషకాహార నిపుణుల ప్రకారం బరువు తగ్గడానికి బ్రకోలీ భలేగా ఉపయోగపడుతుంది. కేవలం 100 గ్రాముల బ్రకోలీలో చాలా తక్కువ కేలరీలు, అధిక ఫైబర్ ఉంటాయి. ఈ 'సూపర్ఫుడ్' మీ బరువును అద్భుతంగా ఎలా తగ్గిస్తుందో, రుచి, పోషకాలు రెండూ నిలిచి ఉండేలా దీనిని వండే 5 పద్ధతులు ఏమిటో ఇక్కడ తెలుసుకుందాం..
100 గ్రాముల బ్రోకలీలో కేవలం 34 కేలరీలు మాత్రమే ఉంటాయి. ఇది ప్రోటీన్, ఫైబర్, విటమిన్ సి లకు అద్భుతమైన మూలం. ఇవి కొవ్వును కరిగించడంలో సహాయపడతాయి. పోషక విలువలను కాపాడుకుంటూ బరువు తగ్గాలనుకుంటే బ్రకోలీని 5-6 నిమిషాలు ఆవిరి మీద ఉడికించండి. ఆ తర్వాత దీనిపై కొద్దిగా నిమ్మరసం, మిరియాల పొడి చల్లుకుని తింటే చాలా రుచిగా ఉంటుంది.
మీరు రాత్రి భోజనాన్ని తేలికగా తీసుకోవాలనుకుంటే ఒక గిన్నెడు బ్రోకలీ సూప్ తీసుకుంటే సరి. ఇది శరీరాన్ని నిర్విషీకరణ చేయడానికి సహాయపడుతుంది. కడుపును చాలా సేపటి వరకు నిండుగా ఉంచుతుంది.
బరువు తగ్గడానికి పెరుగు లేదా ఆలివ్ నూనె డ్రెస్సింగ్తో బ్రకోలీ సలాడ్ చేసుకోవచ్చు. రుచి కోసం మీరు దానికి కొన్ని వేయించిన బాదం లేదా వాల్నట్లను కూడా జోడించవచ్చు. అలాగే ఆలివ్ నూనెలో అల్లం, వెల్లుల్లి వేసి బ్రకోలీని తేలికగా వేయించుకుని తినవచ్చు. పోషకమైన మధ్యాహ్నపు చిరుతిండి కోసం దానిపై కొద్దిగా సోయా సాస్, తెల్ల నువ్వులు చల్లుకుని తింటే రుచితోపాటు ఆరోగ్యం మీ సొంతం అవుతుంది.
మీరు బ్రోకలీని చీజ్ లేదా మెత్తగా చేసిన బంగాళాదుంపలతో కలిపి తేలికగా వేయించుకుని కూడా తినవచ్చు. ఇది బయట కరకరలాడుతూ లోపల మెత్తగా ఉంటుంది. దీనివల్ల మీ డైట్ ఫుడ్ కూడా రుచికరంగా ఉంటుంది. బ్రోకలీలోని కాల్షియం ఎముకలను బలపరుస్తుంది. సెలీనియం, విటమిన్లు శరీర రోగనిరోధక శక్తిని పెంచడంలో సహాయపడతాయి.
