సాధారణంగా ఒక హీరోకి సూపర్ స్టార్, మెగాస్టార్, దళపతి లాంటి బిరుదులు ఉండటం సహజం. కానీ విజయ్ విషయంలో పరిస్థితి వేరు. అభిమానులు ఆయనను కేవలం ఒక నటుడిగా మాత్రమే చూడటం లేదు, తమ కష్టాలను తీర్చే నాయకుడిగా కొలుస్తున్నారు. ఈ ఎన్నికల విజయం వారి నమ్మకాన్ని మరింత పెంచింది. అందుకే, ఆయన ఆఖరి చిత్రం జన నాయగన్ టైటిల్ కార్డ్ విషయంలో స్పెషల్ రిక్వెస్ట్ తెర మీదకు వచ్చింది. ఈ సినిమాలో టైటిల్స్లో విజయ్ పేరును ‘సీఎం దళపతి విజయ్’ అని వేయాలని కోరుతున్నారు అభిమానులు.
