Kadapa Flexi,ఆ కుర్చీ మనం పెట్టిన భిక్ష.. కడపలో ఫ్లెక్సీ రాజకీయాలు – kadapa arts college gate besides 2 flexis found

కడపలో ఫ్లెక్సీ రాజకీయాలు ఇప్పుడు తీవ్ర దుమారం రేపుతున్నాయి. రాత్రికి రాత్రే కడపలో జనసేన, వైఎస్సార్‌ కాంగ్రెస్ పార్టీలను ఉద్దేశిస్తూ రెండు ఫ్లెక్సీలు వెలిశాయి. ఇందులో ఆయా పార్టీ అధినేతలను ఉద్దేశిస్తూ.. రాష్ట్రంలో జరుగుతున్న పరిణామాలను రాసుకొచ్చారు. కడప నగరంలోని ఆర్ట్స్ కాలేజీ వద్ద డిప్యూటీ సీఎం పవన్క ళ్యాణ్‌ను ఉద్దేశిస్తూ ఫ్లెక్సీలు పెట్టగా.. మరోవైపు వైసీపీ రాజ్యసభ మాజీ సభ్యుడు విజయసాయిరెడ్డిని ఉద్దేశిస్తూ మరో ఫ్లెక్సీ వెలిసింది. పవన్ కళ్యాణ్‌ను ఉద్దేశించి పెట్టిన ఫ్లెక్సీకి సరిగ్గా ఎదురుగా వైఎస్ జగన్‌ను ఉద్దేశిస్తూ మరో ఫ్లెక్సీ వెలిసింది. ఇందులో వైఎస్సార్ కాంగ్రెస్ పార్టీని విడిచిపెడుతున్న నాయకుల గురించి ప్రస్తావిస్తూనే.. కట్టే కాలే వరకు వైసీపీ, జగన్‌కు అండగా ఉండే సగటు కార్యకర్త అంటూ రాసుకొచ్చారు.