Kakinada Sudheer Amazing Car: ఆంధ్రప్రదేశ్‌కు చెందిన సుధీర్ అనే యువకుడు తన ప్రతిభతో అందరినీ ఆశ్చర్యపరిచాడు. ప్రత్యేకంగా ఒక జీపును తయారు చేసి ప్రశంసలు అందుకున్నాడు. ఈ జీపు ప్రత్యేకత ఏమిటంటే ప్రయాణికుల సంఖ్యను బట్టి సీట్ల సంఖ్యను మార్చుకునే అవకాశం ఉంది. బెంగళూరు ట్రాఫిక్ కష్టాల నుండి వచ్చిన ఆలోచనతో, హైడ్రాలిక్స్‌తో ఈ వాహనాన్ని రూపొందించాడు. బ్యాటరీతో నడిచే ఈ జీపు తయారీకి రూ.2.50 లక్షలు ఖర్చయింది. ప్రోత్సాహం లభిస్తే మరిన్ని ఆవిష్కరణలు చేస్తానంటున్నాడు సుధీర్.
హైలైట్:
- కాకినాడ కుర్రాడి క్రియేటవిటీ
- రూ.2.5 లక్షలకే జీపు తయారీ
- మనోడి టాలెంట్‌పై ప్రశంసలు
కాకినాడ కుర్రాడి అద్భుత సృష్టి.. రూ.2.5 లక్షలకే జీపు, ప్రత్యేకతలివే.. మనోడి టాలెంట్‌కు హ్యాట్సాప్
ఒక బటన్ నొక్కగానే జీపు వెడల్పుగా మారుతుందంటున్నారు. ఈ వాహనం తయారీకి రూ.2.50 లక్షలు ఖర్చయిందని.. రాబోయే రోజుల్లో దీనిని రూ.1.80 లక్షలకు తయారు చేయాలని టార్గెట్ పెట్టుకున్నట్లు సుధీర్ అంటున్నారు. తనకు ఎవరైనా ప్రోత్సాహం అందిస్తే మరిన్ని కొత్త ఆవిష్కరణలు చేస్తానంటున్నారు. సుధీర్ తయారు చేసిన ఈ వాహనం గురించి సోషల్ మీడియాలో చర్చ జరుగుతోంది. సుధీర్ తయారు చేసిన ఈ వాహనం గ్రామీణీ ప్రాంతాలతో పాటుగా పట్టణం, నగరాల్లో కూడా ఉపయోగకరంగా ఉంటుందనే చర్చ జరుగుతోంది. తక్కువ ఖర్చులో అందుబాటులోకి వస్తుందని.. చాలా సౌకర్యవంతంగా ఉంటుందని చెబుతున్నారు. మొత్తం మీద సుధీర్ టాలెంట్‌కు నెటిజన్లు ఫిదా అవుతున్నారు.
రచయిత గురించితిరుమల బాబుతిరుమల బాబు సమయం తెలుగులో సీనియర్ డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ ఏపీ, తెలంగాణకు సంబంధించిన తాజా వార్తలు, రాజకీయ వార్తలు, ప్రత్యేక కథనాలు అందిస్తుంటారు. ఆయనకు జర్నలిజంలో 11 సంవత్సరాలకు పైగా అనుభవం ఉంది. గతంలో ప్రముఖ మీడియా సంస్థల్లో పొలిటికల్ న్యూస్, ఇతర రంగాలకు సంబంధించి వార్తలు రాశారు.… ఇంకా చదవండి
