బలగం సినిమాతో ఓవర్ నైట్ లో స్టార్ డమ్ సొంతం చేసుకున్నాడు వేణు. కమెడియన్ గా కెరీర్ మొదలుపెట్టి ఆతర్వాత జబర్దస్త్ ద్వారా క్రేజ్ తెచ్చుకున్నాడు వేణు. అలాగే పలు సినిమాల్లో కమెడియన్ గా చేసి నవ్వులు పూయించాడు. ఇక ఇప్పుడు దర్శకుడిగా మారి సినిమాలు చేస్తున్నాడు. తొలి సినిమాతోనే స్టార్ దర్శకుడిగా మారిపోయాడు. బలగం సినిమాతో నేషనల్ అవార్డు అందుకున్నాడు వేణు.
ఇక బలగం సినిమా గురించి ప్రత్యేకంగా చెప్పాల్సిన అవసరం లేదు. ఈ సినిమా ఎంత పెద్ద హిట్ అయ్యిందో అందరికి తెలుసు. ఫ్యామిలీ ఎమోషన్స్ తో తెరకెక్కిన ఈ సినిమా మంచి విజయాన్ని అందుకుంది. ఈ సినిమాకుగాను ఏకంగా నేషనల్ అవార్డు కూడా అందుకున్నాడు వేణు. ఇక ఇప్పుడు చాలా కాలం గ్యాప్ తర్వాత ఎల్లమ్మ సినిమాతో అడియన్స్ ముందుకు రాబోతున్నాడు.
మ్యూజిక్ డైరెక్టర్ దేవి శ్రీ ప్రసాద్ హీరోగా వేణు ఎల్దండి తెరకెక్కిస్తున్న సినిమా ఎల్లమ్మ. ఆయన నిర్మిస్తున్న రెండో సినిమా ఇది. ముందు నుంచి ఈ మూవీపై మంచి క్యూరియాసిటీ నెలకొంది. ఇందులో దేవి శ్రీ ప్రసాద్ డప్పు కళాకారుడు పర్షి పాత్ర పోషిస్తున్నట్లు తెలుస్తోంది. ఆ మధ్య విడుదల చేసిన గ్లింప్స్ ప్రేక్షకులను విశేషంగా ఆకట్టుకుంది. ఇప్పుడు ఈ సినిమా కోసం ఫ్యాన్స్ ఈగర్ గా ఎదురు చూస్తున్నారు.
ఇదిలా ఉంటే ఈ సినిమాలో హీరోయిన్ గా ఎవరు నటిస్తున్నారన్నది ఇప్పుడు హాట్ టాపిక్ గా మారింది. మరోసారి వేణు తెలంగాణ నేపథ్యంలో సినిమా చేస్తుండటంతో హీరోయిన్ ఎవరు అనేదానిపై ఆసక్తి నెలకొంది. కాగా అందాల భామ కీర్తిసురేష్ పేరు చాలా రోజులుగా వినిపిస్తుంది. గతంలో నాని నటించిన దసరా సినిమాలో కీర్తి తెలంగాణ అమ్మాయిగా కనిపించింది. దాంతో ఈ అమ్మడు ఎల్లమ్మలో ఫిక్స్ అని అంతా అనుకున్నారు. కానీ కీర్తిసురేష్ ఎల్లమ్మకు నో చెప్పిందని టాక్ వినిపిస్తుంది.
మొదట్లో సాయి పల్లవిని హీరోయిన్ గా అనుకున్నారు. ఆతర్వాత కీర్తిసురేష్ పేరు వచ్చింది. ఆమె కూడా ఇప్పుడు ప్రాజెక్ట్ నుంచి తప్పుకోవడంతో.. ఎల్లమ్మ టీమ్ మరోసారి హీరోయిన్ వేటలో పడిందని తెలుస్తుంది. కీర్తి ఈ సినిమా నుంచి తప్పుకుందని తెలుస్తుంది. ఇక ఇప్పుడు సక్సెస్ ఫుల్ బ్యూటీ మృణాల్ ఠాకూర్ ఈ సినిమాలో నటిస్తుందని టాక్ వినిపిస్తుంది. త్వరలోనే దీని పై క్లారిటీ రానుంది.
